Ўтган ҳафта давомида, яъни 10 – 16 август кунлари "Ўзбекистон республика товар-хом ашё биржаси" АЖнинг савдо платформаларига 2 174,0 тонна пахта ёғи қўйилди ва улардан 1 825,0 тоннаси, яъни 83,9% сотилди. Ўтказилган савдоларда ҳар куни ўртача 96 та харидор иштирок этди.

Кўриб чиқилаётган даврда барча навли пахта ёғининг кунлик ўртача нархлари маҳсулотнинг бир тоннаси учун 13 672,0 минг сўмдан 12 668,2 минг сўмгача, яъни 7,3% га камайди. Ҳафта якунларига кўра 1-навли пахта ёғининг ҳафталик котировкаси 4,3% га ўсиб, маҳсулотни бир тоннаси учун 10 900,0 минг сўмни ташкил этди.

Ҳафта давомида биржа савдоларига 2 624,0 тонна шакар қўйилди ва улардан 890,0 тоннаси, яъни 33,9% сотилди.

Кўриб чиқилаётган даврда шакарнинг барча категорияси бўйича шаклланган кунлик ўртача нархлар маҳсулотнинг бир тоннаси учун 5 855,2 минг сўмдан 5 852,7 минг сўмгача пасайди. Ўтказилган биржа савдолари натижасида шакарнинг 3-категорияси бўйича шаклланган ўртача ҳафталик нархи аввалги ҳафтага нисбатан деярли ўзгармади ва маҳсулотни бир тоннаси учун 5 846,4 минг сўмни ташкил қилди.